MADIRO AGEOGINA MYTH EXPLAINED

MADIRO AGEORGINA

Georgina aiva musikana akazvarwa akakurira muBikita ndokuroorwa muZaka.

Georgina aiva musikana /mudzimai aisununguka kuita zvaanoda panguva yaadira

Zvinonzi:

1.Georgina aigona kungoti ari kumombe akanzwa hope ikoko otondozarira mombe kumba kwakumbodzipfodora chaizvo kana dzapera odzokera kumafuro.

2.Georgina aigona kungowacha nhumbi dzemukati chero pana tezvara,kana kutovarairwawo kugara navo vachiwacha dzavo dzemukati.

3.Zvakare aigona kungomuka chero pakati pehusiku otobata huku otobika nekuidya zvake apa achiimba nziyo dzake dzeZion,ungamudini?

4.Georgina zvakare aigona kuenda kuchigayo akasengedza dhongi uye akagara rimwe dhongi.

5.Georgina aigona kuudza vabereki vake kuti haasi Kuda kugeza murwizi Gande asi kumbondogeza muSiya Dam.

6.Georgina achiri kuchikoro paNyemba apoo aigona kungoudza mudzidzisi kuti PE nhasi yandinakidza pamunodzokera kundoita Maths itai moga INI ndombosara ndichienderera mberi nePE ndoga.

7.Georgina paakaroorwa zvinonzi akati kuna baba vake kwandiri kuenda kunodiwa nzimbe nemari yepamusoro.Baba nemwana vakatakura nzimbe ,vasvika paaida kwakuti kuna baba ndipo pomozouya kubvunza pfuma yenyu maita zvenyu,nzimbe dzosara ndichidyawo,chidzokai.

8.Georgina aigona kungondowaridza bonde rake mumba matezvara navamwene kana murume wake asipo.

Mazvionaka pakabva kuti,Madiro aGeogina